歌手石咏莉（Sukie）昨日上新城电台为歌唱比赛担任评判，表示既兴奋又紧张：“有好多卧虎藏龙嘅歌手，上次老公邓健泓都有份做，今次终于到我。”又抵死笑话如果参赛者唱老公的歌会即时加分：“佢啲歌真系好高难度，有时练佢啲歌升Key都难唱。（咁唱你啲歌呢？）都会加少少，但其实感情最紧要，技巧都系其次，我准备咗把口同洗乾净耳仔。（会好Mean？）唔会，交流为主，可能佢哋都会教到我嘢。”
问到入行后听过最Mean的评语是甚么？Sukie大笑自爆有好多，又自认似被虐狂：“以前组合嘅时候多到呢！咁唔会所有人都锺意你。（最近被粗口问候算Mean？）少嘢啦，粗口都好少少，讲粗口都系情绪激动、唔理智，我会当睇唔到，不过我锺意有人话我有嘢做得唔好，咁先有进步。”至于问到老公讲得最Mean的一句说话？她笑言：“话我肥！咁我就唔会煮饭佢食，要佢食自己，其实我肥都系佢一手造成，有时佢会好矛盾咁话我瘦，之后又话我肥。（佢想储肥你生B？）唔知呢，但我哋有共识呢几年畀时间做音乐，歌手都系被动。”
新剧推介
来源：网络，如转载涉及版权等问题，请作者与我们联系，我们将在第一时间处理，谢谢！
商务合作微信/QQ:476912416（注明合作）
